特區政府強烈譴責逃犯許智峯恫嚇香港特區司法人員和政府人員

【強烈譴責】特區政府強烈譴責逃犯許智峯公然要求外國對特區法官及司法人員、檢控官、執法人員同其他公務人員實施所謂制裁，並呼籲公眾對有關人員進行起底。許智峯嘅行為不止可能妨礙司法公正，亦可能構成企圖干犯香港國安法第 29 條嘅勾結外國或者境外勢力危害國家安全罪。

特區政府發言人表示，許智峯嘅言行正正印證咗基本法第 23 條立法建議中，有關考慮制定措施保障處理涉及國家安全案件或工作嘅人員及其家人免受起底或被騷擾嘅必要性，以讓有關人員喺無後顧之憂嘅情況下處理維護國家安全嘅工作，從而鞏固同強化維護國家安全嘅執法力量。

發言人又強調，許智峯目前正因涉嫌違反香港國安法中嘅煽動分裂國家罪、煽動顛覆國家政權罪及勾結外國或者境外勢力危害國家安全罪而被特區警方懸紅通緝。許智峯唔好妄想潛逃離港就可以逃避刑責，特區政府對於犯罪行為絕不姑息，定必堅守有法必依、違法必究嘅原則追究到底，採取一切可行方法緝捕潛逃海外危害國家安全嘅人。任何資助許智峯繼續潛逃海外進行危害國家安全活動嘅人，亦需要面對刑責。

新聞公報：https://bit.ly/3SZYCOo