第五波疫情持續失控，中央應特區政府請求，派出內地醫療隊人員到港馳援抗疫，而當中75名內地醫療隊人員日前(14日)傍晚已到港，及後本周內會有240名內地療隊人員來港，佢咃主要到亞洲博覽館社區治療設施，同醫管局人員協作照顧病人。
而實際運作方面，據公共醫療醫生協會會長凌霄志於噚日(15日)喺電台節目上透露，亞博嘅內部臨床管理系統，早前已改為中文顯示，並且新增中文輸入法。
但凌霄志指，即使內地醫護人員嚟自廣東省，識得廣東話，但醫療術語同日常用語仍有不同，喺問取病歷方面，可能會有困難。同時佢又指，當病人康復出院時，文件仍要由香港醫護用英文再打多一次，再傳送到醫管局聯網。
另外，凌霄志亦指出，內地醫護喺作出用藥或出院等醫療決定時，會先同香港醫護溝通，而內地醫護負責照顧，用藥則由香港醫護負責。
同時，凌霄志亦指出，當有醫療事故時，本港會有通報機制同調查，但由於內地醫護人員並無在港註冊，所以喺專業上本港醫委會唔能夠介入，亦唔能夠進行紀律研訊，而相關人員可能已經離港，所以一旦發生醫療事故，就難以追究，同時亦「無牌可除」。
不過，佢亦提到，任何醫管局僱員，除非涉及刑事，都應該承擔責任，當有民事索償，醫管局亦須負上最後嘅責任。
大家對於凌霄志的看法，大家點睇？
當香港極度缺乏醫護人員時 請無國界醫生教凌霄志醫生點協調 ［智慧如水 - 高B哥 GBG ］ 20220316
Comments